चैत मसान्तभित्र सदस्यता नवीकरण गर्न नेकपाको निर्देशन
नागरिक सञ्चार
संगठन विभागले प्रस्तुत गरेको कार्ययोजना पारित गर्दै पार्टी केन्द्रले सदस्यता नवीकरण, अद्यावधिक गर्न चैत मसान्तको समयसीमा तोकेको हो ।
२०७५ जेठ २ सम्म कायम रहेका पार्टी सदस्यहरूलाई संगठित सदस्य मानी २०७६ चैतमसान्तभित्र संगठित सदस्यता नवीकरण गर्न निर्देश गरिएको छ । नेकपामा झन्डै आठ लाख सदस्य रहेको दाबी गरिएको छ ।
केन्द्रीय संगठन विभागले २०७५ जेठ २ सम्म कायम रहेका संगठित सदस्यको विवरण २०७६ माघ मसान्तभित्र सम्बन्धित प्रदेश कमिटी, उपत्यका विशेष कमिटी, सम्पर्क समन्वय कमिटीमार्फत सम्बन्धित जिल्ला, विशेष जिल्ला र प्रदेश सम्पर्क कमिटीलाई उपलब्ध गराउने नेकपाले जनाएको छ ।
संगठित सदस्यता नवीकरण, अद्यावधिक गर्ने प्रयोजनका लागि मातहतका जिल्ला, उपत्यका विशेष र प्रवास समन्वय कमिटीलाई पाँच सदस्यीय कार्यदल गठन गर्न पनि निर्देश गरिएको छ ।
ताजा खबर
